Wafti uu hogaaminayo gudoomiyaha maxkamada sare ee gobolka Harari ayaa maanta kormeer shaqo ku tagay xarumaha Maxkamadaha darajada koowaad iyo rafcaanka ee Dir dhaba si ay ugu kuur galaan hawlaha shaqo ee ay u hayaan ee ku saabsan tayaynta iyo habaynta adeeg bixinta.
Intii ay ku guda jireen kormeerka wafdiga ayaa waxa ay soo indho indheeyeen adeega hal daaqada ah iyo sida ay u shaqeeyaan qolalka maxkamadaha oo casri ah. Maxkamadaha ayaa sidoo kale la yeeshay doodo la xiriira shaqada ay qabteen ee ku saabsan habaynta iyo garsoorka.
Guddoomiyaha Maxkamadda Darajada Koowaad ee ismamulka Dir dhaba Mudane Cabdi Maxamed oo sharaxay in madashan maanta ay tahay mid la isku dhaafsanayo khibrad iyo waayo aragnimo ayaa sheegay in maadaama maxkamaduhu ay buux dhaafiyeen macaamiil badan, in goobta shaqada laga dhigo mid casri ah ay muhiimad weyn u leedahay in si hufan loogu adeego, isla markaana si deg deg ah loo xalliyo su’aalaha iyo cabashooyinka ka imaanaya bulshada.
Waxa uu ku micneeyay in adeega hal mar laga hirgeliyay Maxkamadaha ay suurta galisay in macaamiishu ay ku dhameystaan kiisas la’aan, isla markaana ay waqti ka baaqsadaan.
Mudane Maahir Cabdusamed gudoomiyaha maxkamada sare ee degaanka Harari ayaa dhankiisa sheegay in maxkamada darajada kowaad iyo rafcaanka ee Dir dhaba ay wadaan howlo dhiiri galin ah oo ay ku bixinayaan adeeg hal daaqad ah oo ay helaan dadka dacweeyayaasha ah iyo sidii loo habayn lahaa nidaamka. Waxayna tilmaameen in arrintan loo baahan yahay in la sii xoojiyo.
Mudane Maahir ayaa sheegay in uu u kuur galay in si casri ah loo dhisayo qolalka Maxkamadaha oo hadda dhismihiisu socdo. Waxa uu sharaxay in codsiyada iyo hababka gudbinta elektaroonigga ah ee ay adeegsadaan maxkamaduhu ay sidoo kale badbaadiyaan wakhtiga isticmaalayaasha iyo muujinta madax bannaanida maxkamadda.
Axmed Kerem Axmed, oo ah aasaasaha iyo madaxa shirkadda Sky Link Technology, ayaa sheegay in martidu ay booqdeen guud ahaan habsami u socodka mashruucan Smart Court mudadii ay joogeen. Waxa uu sheegay in shaqadii ay maxkamaduhu markii hore gacanta ku qaban jireen ay hadda noqdeen kuwo dhijitaal ah, sidaas darteedna adeegga hal daaqada uu si hufan ugu shaqeeyo muddo saddex bilood gudahood ah.
Mudane Axmedkerem waxa kale oo uu tilmaamay in hawsha ka socota qolka maxakamadda casriga ah ay ku dhamayn doonto bil iyo shan iyo toban maalmood gudahood.
Madaxa Wakaalada Sayniska, Tignoolajiyada iyo Hal abuurka ee ismamulka Dir dhaba Cabdulcasiis Shaafi ayaa sheegay in labada maxkamadood ee darajada koowaad iyo rafcaanka ee ismaamulka Dir dhaba ay iska kaashanayaan sidii loo casriyayn lahaa adeeg bixinta. Ato Abdulaziz ayaa tilmaamay in la sii xoojin doono hannaanka aalada casriga xarunta oo ay ka heli doonaan dad badan oo isticmaala.
Shuayb daahir
Sawirka: Salaam Abebe
