Wareegii 3-aad ee ololaha isku dhafka ah ee tallaalka cudurka dabaysha ee maamulka magaalada Diridhaba ayaa la qaban doonaa laga bilaabo 30-ka bisha September, sida uu maanta warbaahinta u sheegay ku xigeenka xafiiska caafimaadka maamulka Diridhaba Mudane Yuusuf Siciid oo maanta warbaahinta la hadlay.
Madaxa ayaa ku dhawaaqay in tallaalka dabaysha ee carruurnimada la siin doono carruurta ay da’doodu ka yar tahay 5 sano jir 4 maalmood oo xiriir ah laga bilaabo 30-ka September.
Madaxa ayaa sidoo kale shaaca ka qaaday in maamulka uu qorsheynayo in ololaha tallaalka lagu tallaalo 97,364 carruur ah, waxaana tallaalka lagu bixin doonaa guri guri, ayuu yiri madaxa.
Ololahan tallaalka ah ayuu madaxdu ugu baaqay dhammaan shacabka ku nool maamulka, waalidiinta iyo dadka mas’uulka ka ah inay ka soo baxaan mas’uuliyadda ka saaran tallaalka carruurtooda.
Madaxa ololahan ayaa xusay in marka laga soo tago tallaalka dabeysha loo diyaar garoobay sidii tallaalka caadiga ah loo siin lahaa carruurta bilaabay iyo kuwa joojiyay qaadashada tallaalka carruurta ee caadiga ah oo aan billaabin tallaalka joogtada ah.
Waxa uu tilmaamay in cudurka dabeysha ee caruurnimada uu yahay cudur si aad ah ugu badan carruurta da’doodu ka yar tahay shanta sano, waxa uuna tilmaamay in cudurkan looga hortagi karo talaal.
