Waxaa la soo bandhigay lagana dooday lana ansixiyay warbixinada waxqabadka 2017 iyo hanti dhowrka iyo sidoo kale qorshaha miisaaniyada 2018.
Madaxa fulinta ee komishanka iskaashatooyinka Itoobiya mudane Berhanu Dufera oo madasha ka soo qayb galay ayaa sheegay in inkasta oo shirkadeena Savings and Credit Cooperative Limited Liability Company la aasaasay mudo kooban hadana shaqada ay hada wado ay tahay mid dhiiri galin leh Waxa uu sheegay in ay ururiyeen ku dhawaad 3,000 oo xubnood muddo laba sano ah isla markaana xubnahooda ay kaydsanayaan kaydkooda, isla markaana ay lacago amaahinayaan si ay ugu taageeraan ganacsigooda una kobciyaan dhaqaalahooda.
mudane Berhanu waxa uu xusay in dhalinyaradu marka ay ku fekeraan abaabulka iyo qabashada shaqooyin kala duwan, ay u baahan yihiin dhaqaale Sababtaas awgeed,
iskaashatooyinka kaydka iyo deynta sida kuweena oo kale ah, kuwaas oo hawlahooda ka dhigaya mid ku habboon oo casri ah bulshada, ayaa la door bidaa.
Mudane Berhanu ayaa intaa ku daray in hay’addu ay dejisay nidaam dammaanad qaad ah oo ku saabsan bixinta deymaha hab ku habboon dadka isticmaala, dhallinyaro badanna ay ka faa’iideysanayaan.
Mudane Berhanu ayaa xusay in hay’addu ay sanadkan 2017 aad uga shaqeysay sidii loo kordhin lahaa tirada xubnaha, loona gaarsiin lahaa adeegyada maaliyadeed, taasina ay keentay in tirada xubnaha, xadiga kaydka ah ee la uruuriyo iyo inta deynta la siiyo ay kordheen guud ahaan qulqulka dayntu ay tahay mid caafimaad qabta.
Sidoo kale waxaa madasha laga sheegay in hay’addu ay sii wadi doonto horumarinta iyo wacyi gelinta sanad miisaaniyadeedka 2018ka.
Waxa kale oo madasha laga sheegay in hay’addu ay sii xoojin doonto hawlaha waxtarka weyn u leh dadka ku dhaqan magaalada Diridhaba oo ay mar walba horumar iyo casriyeyn ku samaynayso.
Madashaas ayaa abaal marinno lagu guddoonsiinayay dadkii bixiyay dayn ay ku lahaayeen waqtigii loogu talo galay iyo kuwii bixiyay kaydkii caadiga ahaa ee waqtigii loogu talagalay.
