Xafiiska horumarinta magaalooyinka iyo dhismaha maamulka magaalada Diridhaba ayaa kulamo la yeeshay qaybaha kala duwan ee ka shaqeeya balaadhinta magaalooyinka iyo horumarinta magaalooyinka.
Madasha dooda ayaa lagu falanqeynayey arrimaha keeni kara in la helo qorshe casri ah oo lagu balaadhinayo magaalada kaasoo lagu xisaabtamayo horumarka xawliga ah ee magaalada.
Waxaa madasha ka hadlay ku xigeenka xafiiska horumarinta magaalooyinka iyo dhismaha mudane Emaj cabdela oo xusay in magaalayntu ay si xawli ah ku socoto, waxaanu sheegay in xafiisku ku hawlan yahay diyaarinta qorshe magaalo oo casri ah oo ku haboon.
Sidoo kale waxa uu tilmaamay in magaalooyinku ay yeeshaan nidaam cad oo muujinaya habka, goorta, sababta iyo waxa loo maamulayo.
Madaxa ayaa sheegay in ka qayb galka waaxyaha ay muhiim u tahay in magaalada lagu maamulo siyaasad iyo qorsheyaal.
Waxaa madasha lagu soo bandhigay qoraal cilmi baaris ah oo lagu falanqeeyay sida uu u ekaan karo qorshaha magaalada 30-ka sano ee soo socda iyadoo la eegayo horumarka xawliga ah ee caasimadu ku socoto.
