Ururka Macallimiinta Diridhaba ayaa bilaabay qabashada shirweynihii 2-aad ee golaha guud iyo shirkii 37aad ee golaha caadiga ah.
Wakiilka Ururka Macallimiinta Itoobiya Marwo Dhebritu Getachew oo ka soo qaybgashay munaasabadan ayaa sheegtay in ururku uu si weyn uga shaqaynayo arrimaha dalka ka sokow ilaalinta xuquuqda macalimiinta iyo tayada waxbarashada.
Marwo Dhebritu oo sheegtay in tirada xubnaha ururku ay si joogto ah u sii kordhayaan, waxa kale oo ay tilmaantay in ururku ku hawlan yahay sidii uu xidhiidhkooda u ballaadhin lahaa.
Gudoomiyaha Ururka Macalimiinta Diridhaba mudane Cabdi Xabiibe oo isna halkaasi ka hadlay ayaa sheegay in ururku uu si wayn uga shaqaynayo dhawrista danaha macalimiinta tayada waxbarashada arrimaha ka qaybgalka bulshada iyo horumarinta dalka.
Madaxweynuhu waxa kale oo uu tilmaamay in macalimiintu ay qayb weyn ka qaataan qaabaynta qaranka iyo dhismaha qaranka.
Guddoomiye ku xigeenka ahna madaxa xidhiidhka bulshada ee ururka macalimiinta Diridhaba borofaseerka mudane Maxamed Cabdulle ayaa tilmaamay in ururku uu sii wadi doono horumarinta shaqada uu u hayo bulshada.
Barnaamijka ayaa socon doona labo maalmood oo xiriir ah, waxaana gabagabada barnaamijka la qaban doonaa shirkii 3aad ee dood cilmiyeedka kookos ee Macalimiinta Haweenka.
Guud ahaan waxa madasha lagu soo bandhigayaa warbixin ku saabsan hawlihii u qabsoomay ururka iyo jihooyinkiisa mustaqbalka Sidoo kale waxaa la qaban doonaa doorashada madaxda ururka iyadoo horay loo sheegay in ajandayaal kale laga doodi doono.
