Komishinarri Komishinii Ajaja Waliigalaa Poolisii Dirree Dhawaa Komishinar Alamuu Magaraa Har’a Ibsa Gaazeexeessummaa kennaniin Dirree Dhawaatti Ayyaanni Hundeeffama Poolisii Itoophiyaa Qophiilee garagaraatiin kan gaggeeffamu ta’uu ibsani.
Komishinar Alamuu Magaraa ibsa isaanii keessatti akka Ajaja Waliigalaa Poolisii Dirree Dhawaatti erga mootummaan jijjiiramaa Hundeeffama asitti hojiilee eegumsa lammiileefi kenninsa tajaajilaa baay’ee ammayyeessaa jiraachuufi nageenya naannichaa mirkaneessuu keessatti injifannoowwan hedduu galmeessaa jiraachuu eeranii ayyaanicha yommuu kabajanittis akkuma Kanaan dura gootummaan eeguufi namoomaan tajaajiluuf ummataaf waadaa seene ammas irra deebi’uun tajaajila qulqulluufi si’ataa ta’e kennuuf waadaa isaanii kan itti haaromsan ta’uus addeessan.
Dabalataanis Akka Ajajaja Waliigalaa Poolisii Dirree Dhawaatti so of tower rise an teeknolojii adda addaa 7 ol ta’an hundeessuufi gabbisuudhaan tajaajilaafi eegumsa lammiileef odeeffannoo funaanuufi ittiin hordofuuf haala miijataa uumuu danda’uu, balaawwan mudatan qorachuufi yakkoota raawwatamaniifi shakkamtoota adda adda kan ittiin ta’atan tooftaalee miijataa qopheeffachuu kan eeran Komishinara alamuun Yeroo ammaa kanatti buufatawwan Poolisii hundatti akka hariiroon hawaasaa cimuufi hawaasni Poolisii waliin ta’uun nageenya isaanii akka eeggataniif hojiilee hojjetaman hedduu ta’uu ibsaniiti jiran
Ayyaanichi Caamsaa 24/2017 irraa jalqabee taateewwan garagaraatiin kan gaggeeffamu yommuu ta’uu goolabbiinsaa immoo Caamsaa 30 bakka keessummoonni naannoolee ollaafi Federaalarraa, akkasums jiraattonni magaalaafi baadiyyaa Dirree Dhawaatti argamanitti Istaadiyeema Idil-addunyaa Dirree Dhawaatti kan kabajamu yommuu ta’uu, Komishinar Alamuu Magaraa jiraattoonni bulchinsaas ta’ee naannoo adda addaarraa keessummoonni afeeraman ayyaanicha kanarratti akka waliin kabajaniifi jiraattonni magaalichaammoo Poolisii waliin ta’uun tumsa barbaachisu akka taasisan waamicha dabarsaniiti jiran.
Iliyaas Aammeetiin
Suuraa: Agenyehu Shawaaraggaa
