Maalintan, oo caalamka sanadkan loo dabaaldegayo markii 34-aad, halka dalkeenna lagu xusayo markii 20-aad, ayaa lagu astaystay halku-dhegga:
“Dhisidda bulsho aan u dulqaadan tacaddiyada jiilalka.”
Sidoo kale waxaa si rasmi ah u socday Ololaha 16-ka Maalmood ee Ka Hortagga tacadiga Galmada, kaas oo sanadkan cinwaankiisu ahaa isla halku-dhegga, iyadoo hawlo badan oo bulshada lagu wacyigelinayo laga hirgeliyay guud ahaan maamulka.
Marwo Lelis Axmed, Madaxa Xafiiska Arrimaha Bulshada, Haweenka iyo Carruurta ee Dire Dhabe, ayaa sheegtay in mudadii ololaha lagu qabtay hawlo muhiim ah oo lagu barayo bulshada halista tacaddiyada galmada iyo baahida loo qabo in qof walba uu ka qayb qaato ka hortaggooda. Waxay xustay in ujeeddadu tahay in la dhiso bulsho ka hortagta tacaddiga oo aan u dulqaadan jebinta xuquuqda haweenka iyo carruurta.
Munaasabadda maanta oo ahayd maalintii 16-aad ee ololaha ayaa si gaar ah loogu fuliyay hawlo bulshada u janjeera, gaar ahaan waayeelka. Xarunta daryeelka waayeelka ee Makodaya, Asgedech, iyo Dawit ayaa lagu gaarsiiyay taageero dhar iyo adeegyo kale, iyada oo loo marayo barnaamijyo bulshada loogu adeegayo.
