Sirni jalqabsiisa pirojektii ijaarsa daandii saffisaa Mi’eessoo-Dirree Dhawaa Kan jalqabsiisan Itti-Aanaan muummicha ministeeraa obbo Temesgen Xiruneh fi hoggantoonni ol’aanoon Federaalaa, bulchiinsa Dirree Dhawaa fi naannoolee argamanitti gaggeeffamee jira.
Ijaarsi Piroojektii Daandii Saffisaa Mi’eeysoo – Dirree Dhawaa walitti Hidhamiinsa daldalaa naannawichaafi Hariiroo Ummataafi Ummataaf faayidaa olaanaa qaba jedhan Ministirri Ministeera Magaalaafi Bu’uuraalee misoomaa Aadde Caaltuu Saanii.
Sagantaan eegalchiisa Daandii Saffiisaa Mi’eessoo- Dirree Dhawaa magaalaa Dirree Dhawaatti gaggeeffamee jira.
Daandichi baasii geejjibaafi balaa tiraafikaa kan hir’isu tahuu Aadde Caaltuun dubbatan.
Guddinaafi badhaadhina biyyaaf murteessaa tahuu eeruun, ijaarsa bu’uuraalee misooma daandiif xiyyeeffannoon kennamee jiraachuus ibsan.
Ijaarsi Pirojektii daandii saffiisaa Mi’eeysoo- Dirree Dhawaa kanaan dura sa’aa shanii ol fudhataa ture gara Sa’aa 1:30 tti kan hir’isuu tahuus Aadde Caaltuun kaasan.
Akkasumaas Pirojektichi qaama Insheetiivii walitti hidhamiinsa Gaanfa Afrikaa ta’u ibsuun, daldalaafi hariiroo ummataa biyyoota naannawichaa waliin qabduuf faayidaa olaanaa qabaachuu himanii jiran.
