Guddiga Dhalinyarada iyo Ciyaaraha Ismaamulka Dire Dhabe ayaa si guul leh u hirgeliyay mashruuc dib-u-dhis iyo qurxin ah oo lagu sameeyay fagaaraha hortooda, kaas oo maanta noqday meel qurux badan oo ay ku nastaan dhalinyarada iyo bulshada guud ahaan.
Komishinerka komishinka , Mudane Khalid Maxamed, ayaa sheegay in mashruucan lagu hirgeliyay iskaashi ay yeesheen dhalinyarada, qoyska isboortiga iyo dadka deegaanka.
Waxa uu xusay in fagaaruhu horey u ahaa mid duug ah, balse maanta loo beddelay goob casri ah oo leh Qurxin cagaaran
Farshaxanno matalaya ciyaaraha kala duwan
Nalal qurux badan
Ilo-biyood soo jiidasho leh
Dayr iyo nadaam guud oo casri ah
Mudane Khalid ayaa tilmaamay in fagaarahan uu hadda yahay goob firfircoon oo la jaanqaadaysa horumarka Dire Dhabe, isla markaana noqotay meel ay ku nastaan dhalinyarada iyo qoysaska.
Dadka deegaanka ayaa iyaguna xaqiijiyay in goobtii hore u ahayd meel qashin lagu shubo ay maanta noqotay astaan qurux, nadaafad iyo madadaalo.
