Waajjirri Aanaa 02 Ganda 5fi 6tti iddoo adda Marmaarsaafi GTZ jedhamutti duula qulqullina naannoo gaggeessuudhaan ittisa weerara dhukkuboota bookeen daddarbanirratti hubannoo manaa-manattii kenne.
Hojigaggeessaa Olaanaa Aanaa 02 kan ta’an Obbo Abeel Misraaq saganticharratti haasaa taasisaniin dhukkuboota akka buseefi chikunguniyaa dabalatee kanneen biroo ittisuudhaaf naannoo qulqulleessuun, balfawwan gubuun, bishaan ciise facaasuufi qabeewwan bishaanii sirritti qadaaduun kan barbaachisa ta’uu jiraattota naannichaaf ergama dabarsaniiti jiran.
Obbo Abeel Kansan walqabsiisuudhaanis guyyaa kanatti ogeeyyii ekisteeshinii fayyaa Aanichaa waliin ta’uudhaan akkaataa naannoofii qulqulleessuun weerara dhukkuba bookeen daddarbanii ittisanirratti hubannoo manaa manattii kennuu ibsaniiti jiran.
Duulli naannoo ofii qulqulleessuun dhukkuboota bookeen daddabranii ittisuu gahee hawaasaafi Hundumaa ta’uu kan eeran Obbo Abeel ittisa dhukkuboota kanneeniif duulli naannoo ofii qulqulleessuu gaggeeffamaa jiru come akka Itti fufu dhaamsa dabarsaniiti jiran.
Duula qulqullina naannoo kanarrattis Hoggantoonni, hojjettoonnifi Aanaa 02 , miseensonnifi hoggantoonni buufata poolisii gandichaa fi hojjettoonnifi fayyaa buufata fayyaa naannichaa akkasumas jiraattonni ganda Marmaarsaafi GTZ hirmaataniiti jiran.
