የነዳጅ ብክነት እንዳይኖር ሁሉም ዜጋ ተገቢ ያልሆኑ የነዳጅ አጠቃቀሞችን በማሶገድ ነዳጅን በኃላፊነትና በቁጠባ ሊጠቀም ይገባል።

መጋቢት 10/2018 ዓ.ም

ለመሆኑ ተገቢ ያልሆኑ የነዳጅ አጠቃቀሞች የትኞቹ ናቸዉ?

1ኛ:- መኪናው ሳይንቀሳቀስ ሞተሩን ብቻ አስነስቶ መቆየት።

መኪናው ሳይንቀሳቀስ ሞተር አስነስቶ ለረጅም ደቂቃዎች መቆም በዜሮ ኪሎ ሜትር እየተጓዙ ነዳጅ ማቃጠል ነው።

2ኛ:- ከመጠን በላይ የሆነ ፍጥነት:: መኪና በከፍተኛ ፍጥነት ሲነዳ የንፋስ ግፊት ስለሚጨምር ሞተሩ ያንን ተቋቁሞ ለመጓዝ ብዙ ነዳጅ ይጠቀማል።

3ኛ:- በድንገት ፍጥነት መጨመርና በድንገት ፍሬን መያዝ ነዳጅን በከፍተኛ ሁኔታ ያባክናል።

4ኛ:- በመኪናው ውስጥ ወይም በመኪናዉ ላይ የማያስፈልጉ ከባድ ዕቃዎችን መጫን ሞተሩ ጉልበት እንዲያወጣ ስለሚያደርገው የነዳጅ ፍጆታን ይጨምራል።

5ኛ:- የትራፊክ መጨናነቅ፦ “ሄድ ቆም“ የበዛበት እንቅስቃሴ ሞተርን ስለሚያደክም ነዳጅ ይበላል፡፡

6ኛ:- በዝቅተኛ ማርሽ ለረጅም ጊዜ ማሽከርከር ነዳጅ ያባክናል፡፡

7ኛ:- ተሽከርካሪን በመደበኛነት አለማስመርመር እና የነዳጅ ቆጣቢ የአነዳድ ዘይቤን አለመለማመድ ነዳጅ እንዲባክን ያደርጋል

8ኛ:- ለጽዳት ስራ መጠቀም፤- እንደ ልብስ፣ ወለል ወይም የመኪና ሞተር ያሉ ነገሮችን በቤንዚን ወይም በናፍጣ ማጽዳት

9ኛ:- ለማገዶ፣ ለከሰል ወይም ለቆሻሻ ማቃጠያነት ነዳጅን መጠቀም

10ኛ:- ለጀነሬተር እና ለምግብ ማብሰያ የሚዉሉ የነዳጅ አጠቃቀሞችን ማስተካከል አለበቻል

11ኛ:- ነዳጅን በፕላስቲክ፣ በባልዲ ወይም ተገቢ ባልሆኑ እቃዎች ውስጥ ማስቀመጥ ነዳጅ እንዲባክን ያደርጋል

12ኛ:- ነዳጅን ደህንነቱ ባልተጠበቀ ቦታ ማስቀመጥ፤ ነዳጅን ደህንቱ ባልተጠበቀ ቦታ ማስቀመጥ ነዳጅ እንዲባክን ከማድረጉም በላይ ለአደጋ ያጋልጣል

ተገቢ ባልሆኑ የነዳጅ አጠቃቀሞች ዙሪያ ተጨማሪ ሃሳብ ካሎት ያጋሩን !