July 7, 2025

ጠቅላይ ሚኒስትር ዐቢይ አሕመድ (ዶ/ር) በመትከል ማንሰራራት በሚል መርህ ዛሬ ማለዳ የችግኝ ተከላ መርሐ ግብርን በመቀጠል፤ ከጠቅላይ ሚኒስትር ጽሕፈት ቤት ሠራተኞች ጋር የችግኝ ተከላ አካሂደናል ብለዋል።

የደቡብ አፍሪካው ፕሬዝዳንት ሴሪል ራማፎሳ ከብሪክስ የብራዚል ጉባዔ ጎን ለጎን ከጠቅላይ ሚኒስትር ዐቢይ አሕመድ (ዶ/ር) ጋር መክረዋል። ፕሬዝዳንቱ በኤክስ ገጻቸው ላይ እንዳሰፈሩት “ሁሌም ወንድሜን ጠቅላይ ሚኒስትር ዐቢይ አሕመድ (ዶ/ር) በማግኘቴ ደስተኛ ነኝ” ብለዋል። በብራዚል ሪዮ ዲጄኔሮ በተካሄደው 17ኛው የብሪክስ ጉባኤ፤ የአፍሪካን ፍላጎት እና ሁለንተናዊ ጥቅም ለማሳደግ በትብብር ለመስራት ቁርጠኛ መሆናቸውንም አረጋግጠዋል።

የዓለም የኢኮናኖሚ ሥርዓት ለምዕራባውያን ያደላ እንደሆነ ይነገራል፡፡ ይህንን የኢኮኖሚ ሥርዓት ሚዛናዊ ማድረግ ይገባል በሚል ነበር ብሪክስ እኤአ በ2006 የተመሠረተው፡፡ መስራቾቹ ደግሞ ብራዚል፣ ሩሲያ፣ ህንድ እና ቻይና ሲሆኑ፣ ደቡብ አፍሪካ እኤአ በ2010 ጥምረቱን ተቀላቅላለች፡፡ ጥምረቱ የተመሰረተበት ዋና ዓላማ ተባብሮ በመስራት ሀገራቱ ኢኮኖሚያቸውን እንዲያሳድጉ ማድረግ ነው፡፡ የነዚህ ሀገራት ኢኮኖሚ በፍጥነት እያደገ በመምጣቱ ‘ታይገር ኤኮኖሚ’ የሚል ስያሜም አግኝቷል፡፡…

ጠቅላይ ሚኒስትር ዐቢይ አሕመድ (ዶ/ር) ከቻይናው ጠቅላይ ሚኒስትር ሊ ኪያንግ ጋር በሪዮ ዴጄኔሮ ተገናኝተው በሁለትዮሽ ጉዳዮች ላይ ተወያይተዋል። በወቅቱ ጠቅላይ ሚኒስትር ዐቢይ፤ ኢትዮጵያ እና ቻይና በማንኛውም ሁኔታ የማይለያዩ ሁለንተናዊ ስትራቴጂካዊ አጋሮች መሆናቸውን እንደተናገሩ ሺንዋ ዘግቧል። ኢትዮጵያ ከቻይና ጋር በኢኮኖሚ፣ በንግድ፣ በኢንዱስትሪ፣ በማዕድን፣ በኮሙኒኬሽን፣ በሰው ሰራሽ አስተውሎት፣ በመሠረተ ልማት፣ በቱሪዝምና በሌሎችም ዘርፎች ያላትን ትብብር ለማጠናከር እንደምትፈልግ…

ጠቅላይ ሚኒስትር ዐቢይ አሕመድ (ዶ/ር) ብሪክስ ከጠንካራ አዲስ ሀሳብ ተነስቶ ለዓለም አቀፍ ለውጥ የሚሰራ ብርቱ ኃይል ወደመሆን ተሸጋግሯል፤አዳዲስ አባላት በመጨመራቸውም የጋራ ድምፃችን የበለጠ ይጠናከራል ሲሉ ገልጸዋል። አያይዘውም የጋራ ዓላማችን የበለጠ ይጠራል፤ አቅማችንም ይሰፋል ሲሉ ነው ጠቅላይ ሚኒስትሩ የገለጹት፡፡ ጠቅላይ ሚኒስትር ዐቢይ በሪዮ ዲ ጄኒሮ እየተካሄደ በሚገኘው 17ኛው የብሪክስ ጉባዔ የሰላም፣ የጸጥታ እና ዓለም አቀፍ አመራር…